لما منى الشاذلي سألت

Mulan 🌼✨

Lords Mobile

لما منى الشاذلي سألت جميلة عوض ايه نوع الهدايا اللي بتفضلها قالتلها: "الهدايا اللي فيها مجهود، يعني مثلا كنا قاعدين بنتكلم في موضوع من فترة واقولك في نصه أنا بحب كذا أو بفكر أجيب كذا فَتفضلي فاكرة وماتنسيش وتفاجئيني.. وبحب الحاجات المعمولة هاند ميد مخصوص عشاني، حتى لو أكله عاملها بإيده.. أي حاجه فيها مجهود بتحسسك بالتقدير.."

افتكرت فيلم Me before you لما ‏لويزا كانت بتحكي لويليام إن كان عندها شراب مخطط اسود في اصفر بتحبه وفضلت تلبسه لحد ما اتقطع وقعدت تدور على واحد زيه للكبار مالقيتش.. يوم عيد ميلادها جابلها شراب زيه بالظبط..

احنا في أي علاقة بندخلها مش دايمًا محتاجين هدايا غالية من المكان الفلاني، ولا محتاجين الهدايا اللي مابتجيش غير في المناسبات وبس.. بالعكس ده حتى لو اللي بتحبه كتبلك مجرد جواب بخط إيده هتحس فيه بتقدير أكبر من هدية تمنها ألف جنيه.. احنا محتاجين حد يحسسنا إننا مهمين.. واهتماماتنا يكون تنفيذها من أولوياته، يكون فاكر احنا بنحب ايه وهنفرح بـ ايه، الموضوع مش مجرد هدايا مادية بنجيبها منين أو بندفع فيها كام ♥️

Popular Comments

All Comments

Download and share your expertise!

Android Download
App Store